میرے مرشد، میرے شیخ
میرے مرشد، میرے شیخ محمود الملة والدین شیخ الحدیث مولانا سید محمود میاں رحمۃ اللہ علیہ مرتب : ڈاکٹر محمد امجد میرے مرشد ، میرے شیخ ، محض ایک کتاب نہیں بلکہ ایک نسبت وفا اور عقیدت کا خاموش اعتراف ہے ۔ اس کے اوراق میں شیخ الحدیث حضرت مولانا سید محمود میاں رحمۃ اللہ علیہ کی علمی عظمت ، تدریسی مہارت اور روحانی اثر آفرینی نہایت وقار کے ساتھ جلوہ گر ہے ۔ یہ تصنیف قاری کو ایک ایسی شخصیت سے متعارف کراتی ہے جن کی زندگی علم حدیث کی خدمت ، اصلاح باطن اور تربیت رجال سے عبارت تھی ۔ مرتب ڈاکٹر محمد امجد صاحب (لاہور) نے اپنے شیخ سے قلبی تعلق کو نہایت سادہ مگر پر تاثیر اسلوب میں رقم کیا ہے ۔ مختصر سوانح کے ذریعے انہوں نے حیات و خدمات کے روشن پہلوؤں کو سمیٹ کر پیش کیا ہے جس سے شخصیت کا جامع تعارف سامنے آتا ہے ۔ انداز بیان میں عقیدت بھی ہے اور اعتدال بھی ، محبت بھی ہے اور متانت بھی ۔ رسالہ کے آخر میں حضرت کے خطبات کی مفصل فہرست شامل کرنا ایک علمی خدمت ہے جو اس سرمایہ خطابت کو محفوظ اور منظم شکل میں اہل علم تک پہنچانے کا ذریعہ بنتی ہے۔ یوں یہ کتاب تذکرہ بھی ہے اور دستاویز بھی ، یادگار بھی ہے اور رہنما بھی ، مختصر مگر جامع ، سادہ مگر معنی خیز، یہ تصنیف اہل علم و محبت دونوں کے لیے باعث مسرت و استفادہ ہے ۔ ہدیہ 200 روپے ہے اور مکتبہ الحامد متصل خانقاہ حامد یہ محمد آباد ۱۹ کلومیٹر شارع رائیونڈ لاہور سے درج ذیل نمبرز پر منگوائی جا سکتی ہے 0333-4249302 - 0333-4249301
اگر PDF لوڈ نہ ہو تو براہِ کرم "ڈاؤن لوڈ PDF" پر کلک کریں۔